Тағы екі жолаушы ауруханаға түсті
19 желтоқсанда «Жезқазған-Петропавл» автожолының 551 шақырымында екі көлік соқтығысып, салдарынан үш адам қаза тауып, екі адам алған жарақатымен ауруханаға түсті.
Арқалықтан Қостанай қаласына бағыт алған «Шевроле-Триблейзер» автокөлігінің 63 жастағы жүргізушісі маневр жасамақшы болып, қарсы бағытта жүріп келе жатқан DAF көлігімен соқтығысты. Апат салдарынан жеңіл көліктің жүргізушісі мен ондағы екі жолаушы оқиға орнында көз жұмды. Тағы екі жолаушы - 25 жастағы қыз бен 39 жастағы ер адам түрлі дене жарақатымен Есіл ауданының (Нұр-Сұлтан қаласы) ауруханасына жатқызылған.
Қазір жол апаты бойынша ҚР Қылмыстық кодексінің 345-бабының 4-бөлігі бойынша сотқа дейінгі тергеу шаралары жүргізілуде.