Велокоманданың бас серіктесі «Самұрық-Қазына» қаржыландыруды 50%-ке қысқартпақ
2021 жылдың 1 қаңтарынан бастап халықаралық нарықта 30 жылдық табысты жұмыс тәжірибесі бар канадалық Premier Tech компаниясы Astana Pro Team кәсіби велоклубының жаңа бірлескен иесі атанады. Осыған байланысты Astana Pro Team өз атауын Astana-Premier Tech деп өзгертеді, деп хабарлайды велокоманданың баспасөз қызметі.
Осылайша, велокоманданың бас серіктесі «Самұрық-Қазына» қаржыландыруды 50%-ке қысқартады. Велокомандаға қысқамерзімді перспективада өзін-өзі қаржыландыру, осы ретте UCI әлемдік турының жарыстарына қатысу міндеті тұр.
Еске сала кетейік, 7 қазанда «Самұрық-Қазына» Astana президенттік спорт клубын таратып жіберіп, оның құрамына кіретін спорт клубтарын қаржыландыру тәртібі өзгертілді.