Бір жылдың ішінде елімізге келетін ауыз су мөлшері 1%-ға азайып, ішуге жарамсыз судың көлемі керісінше 2%-ға артқан
Қазақстан су сапасы бойынша рейтингте 179 елдің ішінен 54-ші орынды иеленді, деп хабарлайды Azattyq Rýhy.
Алғашқы ондыққа Аустрия, Финляндия, Грекия, Исландия, Ирландия, Мальта, Нидерланды, Норвегия, Швейцария және Ұлыбритания елдері кірді.
Бір жылдың ішінде елімізге келетін ауыз су мөлшері 1%-ға азайып, ішуге жарамсыз судың көлемі керісінше, 2%-ға артқан.
Қазақстандықтар тұтынатын табиғи судың көлемі осы жылдың қаңтар-қыркүйек айларында 2,2 млрд текше метрді құраған. Бұл өткен жылдың аталған кезеңімен салыстырғанда 0,7%-ға артық. Ал 2019 жылдың он екі айында бұл көрсеткіш 3 млрд текше метр болған.
Соңғы тоғыз айдың ішінде тіршілік көзінің 61,2%-ы (1,4 млрд текше метрі) ішуге жарамсыз деп танылған. Бұл алдыңғы жылмен салыстырғанда 2,1%-ға көп.
Ал ішуге жарамды судың көрсеткіші 38,8%-ға тең келіп, 857,3 млн текше метрді құрады. Бұл былтырғы жылмен салыстырғанда 1,4%-ға аз.
2020 жылдың қыркүйек айында ыстық сумен қамтамасыз ету қызметі 0,1%-ға арзандаған.