Сынақ кезінде көлікте адам болды
Жапонияда Toyota компаниясының сынақ полигонында SkyDrive компаниясының SD-03 атты ұшатын көлігі сынақтан өтті. Сынақ кезінде көлік бортында адам болды, деп хабарлайды Azattyq Rýhy тілшісі компания сайтына сілтеме жасап.
SD-03 төрт минуттың ішінде полигонды бірнеше рет айналып өткен. Бір орындық көлік құралы квадрокоптерге ұқсайды. Биіктігі - 2 метр, ұзындығы мен ені - 4 метр. Көлік тұрағында бұл марка екі қарапайым автокөліктің орнын алады.
Компания биыл Жапония билігінен полигоннан тыс жерде сынақ өткізуге рұқсат алмақ.