Телефон ұстау, қарсы жолаққа шығу: дрондар жүргізушілердің 20 мыңнан аса жол ережесін бұзғанын анықтады (ВИДЕО)

Қазақстанда полиция қызметкерлері арнайы дрондардың көмегімен жүргізушілердің 20 мыңнан астам жол ережесін бұзғанын анықтады, деп хабарлайды Azattyq Rýhy.

Заманауи ұшқышсыз ұшу аппараттары камералармен жабдықталған, бейнежазбаны нақты уақыт режимінде бере алады.

Бұл технологиялар іс жүзінде өз нәтижесін көрсетіп отыр. 2026 жылдың сегіз айында дрондардың көмегімен жол жүрісі қағидаларын бұзудың 20 мыңнан астам фактісі анықталды.

Олар:

• қауіпсіздік белдігін пайдалану талаптарын бұзудың 3 198 фактісі;
• көлік жүргізу кезінде ұялы телефон пайдаланудың 2 055 фактісі;
• қарсы қозғалыс жолағына шығудың 1 678 фактісі;
• сыртқы жарық құралдарын пайдалану қағидаларын бұзудың 1 481 фактісі;
• маневр жасау қағидаларын бұзудың 1 207 фактісі;
• басып озу қағидаларын бұзудың 771 фактісі;
• мемлекеттік тіркеу нөмірлік белгілерінсіз көлік жүргізудің 87 фактісі.

«Тағы 9 мыңнан астам дерек жол қозғалысы ережелерінің өзге де бұзушылықтарына қатысты. Ұшқышсыз технологиялар полицияның мүмкіндіктерін кеңейтіп, азаматтардың қауіпсіздігі мен қоғамдық тәртіпті тиімді қамтамасыз етуге мүмкіндік береді», - делінген ІІМ хабарламасында.