Қазақстанда доллар 458 теңгеге дейін арзандады

Қазақстан қор биржасындағы (KASE) күндізгі сауда қорытындысы бойынша доллардың орташа сараланған бағамы 458,45 теңгені құрады. Ұлттық валюта бір күнде 3,12 теңгеге нығайды, деп хабарлайды Azattyq Rýhy.

Қазақстан Ұлттық банкінің 1 қыркүйекке белгілеген ресми бағамы 462,31 теңге болды.

Kurs.kz сайтының мәліметінше, қазір Алматыдағы айырбастау пунктерінде долларды сатып алудың орташа бағамы – 458,21 теңге, сату бағамы 460,27 теңге болып отыр.

Астанада айырбастау пунктері долларды орта есеппен 456 теңгеден сатып алып, 463 теңгеден сатып жатыр.

Шымкентте доллардың орташа сатып алу бағамы – 458,44 теңге, ал сату бағамы 460,54 теңгені құрайды.