Кездесу елордадағы дәмханалардың бірінде өтті
ЖСДП әйелдер қанаты елордадағы дәмханалардың бірінде әйелдермен бейресми кездесу өткізді, деп хабарлайды Azattyq Rýhy партияның баспасөз қызметіне сілтеме жасап.
«Мінберсіз, ресми хаттамасыз – қатысушылар бір шыны кофе үстінде бүгінде қоғамды алаңдатып отырған мәселелерді талқылады. Атап айтқанда, әлеуметтік әділеттілік, білім беру мен денсаулық сақтау сапасы, өңірлерді дамыту, жастарды қолдау, зейнетақы жүйесі және партияның сайлауалды бағдарламасындағы басқа да негізгі бағыттар сөз болды», – делінген партияның Instagram парақшасындағы видео сипаттамасында.
Бұған дейін ЖСДП елордалық зейнеткерлердің қатысуымен «Бостандық марафонын» өткізген болатын.