1982 жылы туған ер адам өздігінен шыға алмай қалған
Астанада қамыс арасында адасып, өздігінен шыға алмай қалған ер адамға құтқарушылар көмекке келді. ТЖМ қызметкерлері оған жету үшін өзеннің арғы бетіне өткен, деп хабарлайды Azattyq Rýhy.
Төтенше жағдайлар министрлігінің мәліметінше, оқиға Сарыарқа ауданындағы Жасыл тоғай аумағында, сарқырама маңында болған.
1982 жылы туған ер адам қамыс арасында қалып, өздігінен шыға алмай қалған.
Оқиға орнына ТЖМ жедел-құтқару жасағының мамандары аттанған.
Құтқарушылар өзеннен өтіп, қамыс арасында қалған ер адамға жетті. Кейін оны қауіпсіз жерге шығарып, бірге өзеннің екінші жағасына оралған.
Құтқарылған азаматқа медициналық көмек қажет болған жоқ.