Өрт екінші қабаттағы бөлме мен ғимараттың шатырына таралған
Ақтөбе қаласында Сәңкібай батыр даңғылы бойында орналасқан екі қабатты караоке-клуб ғимараты өртенді, деп хабарлайды Azattyq Rýhy.
ҚР ТЖМ мәліметінше, өрт екінші қабаттағы бөлме мен ғимараттың шатырына таралған.
Өрт сөндіру бөлімшелері келгенге дейін мекеменің 7 қызметкері өздігінен сыртқа шыққан. Оқиға кезінде ғимаратта келушілер болмаған.
«Құтқарушылардың жедел әрекетінің арқасында өрт толық сөндірілді. Зардап шеккендер жоқ», – делінген министрлік хабарламасында.