Ол ұлы одан әрі әскери қызметті жалғастыратынын айтты
Мәжіліс кулуарында қорғаныс министрінің тәрбие және идеологиялық жұмыстар жөніндегі орынбасары Асқар Мұстабеков Қазақстан әскерінде Отан алдындағы борышын атқарып жүрген ұлы туралы айтты, деп хабарлайды Azattyq Rýhy.
БАҚ өкілдері вице-министрден өз баласының әскери қызметке қатысты көзқарасы туралы сұрады.
«Бір ұлым қазір шекара қызметінде борышын өтеп жүр», – деді ол.
Шенеунік ұлының әскери қызметке қатысты шағымы жоқ екенін және қызметін әрі қарай жалғастыруды жоспарлап отырғанын айтты.
«Шағымданбайды. Әскерден кейін келісімшарт бойынша қызметте қалмақ. Бұл – өзінің шешімі», – деді қорғаныс министрінің орынбасары.