+40 градусқа дейін аптап ыстық: 16 маусымға арналған дауылды ескерту жарияланды

Синоптиктер 16 маусымға Астана, Алматы қалалары мен Қазақстанның 16 өңірінде дауылды ескерту жариялады. Елдің солтүстігі, шығысы және батысында жаңбыр жауып, найзағай ойнайды, кей жерлерде бұршақ түсіп, тұман түседі және жел күшейеді. Ал оңтүстік пен шығыс өңірлерде аптап ыстық сақталып, өрт қаупі жоғары және төтенше деңгейде болады,   деп хабарлайды Azattyq Rýhy «Қазгидрометке» сілтеме жасап.

Астанада күндіз жаңбыр жауып, найзағай ойнайды, бұршақ түсуі мүмкін. Оңтүстік-батыстан соғатын желдің екпіні күндіз секундына 15-18 метрге дейін жетеді.

Ақмола облысында түнде облыстың батысы мен солтүстігінде жаңбыр жауып, найзағай болады. Күндіз жауын-шашын жалғасып, өңірдің батысы мен солтүстігінде нөсер жаңбыр күтіледі. Батыста, солтүстікте және оңтүстікте бұршақ жаууы мүмкін. Түнде және таңертең облыстың солтүстігінде тұман түседі. Оңтүстік-батыс желі күндіз батыс пен солтүстікте секундына 15-20 метрге дейін күшейеді. Облыстың орталық бөлігінде жоғары өрт қаупі сақталса, шығысында төтенше өрт қаупі сақталады. Көкшетауда таңертең және күндіз жаңбыр жауып, найзағай болады.

Солтүстік Қазақстан облысында түнде батыс пен шығыста жаңбыр жауып, найзағай күтіледі, солтүстікте аздаған жаңбыр жауады. Күндіз жаңбыр мен найзағай жалғасады, батыста, солтүстікте және шығыста бұршақ түсуі мүмкін. Түнде және таңертең оңтүстік пен шығыста тұман болады. Оңтүстік және оңтүстік-батыс желі күндіз батыс пен оңтүстікте секундына 15-20 метрге дейін күшейеді. Петропавлда түнде аздаған жаңбыр жауып, найзағай болады, күндіз жаңбыр, найзағай және бұршақ күтіледі.

Қостанай облысында батыста, солтүстікте және шығыста жаңбыр жауып, найзағай ойнайды, бұршақ түсуі мүмкін. Түнде және таңертең облыстың батысы мен солтүстігінде тұман түседі. Оңтүстік-батыс желі күндіз солтүстік пен шығыста секундына 15-20 метрге дейін күшейеді. Облыстың оңтүстік-батысында төтенше өрт қаупі, ал оңтүстігінде жоғары өрт қаупі сақталады. Қостанай қаласында жаңбыр жауып, найзағай болады. Түнде және таңертең тұман күтіледі.

Павлодар облысында түнде облыстың батысы мен солтүстігінде аздаған жаңбыр жауып, найзағай болады. Күндіз батыста, солтүстікте және шығыста жаңбыр жауып, найзағай мен бұршақ күтіледі. Түнде облыстың солтүстігі мен шығысында тұман түседі. Солтүстікте жоғары өрт қаупі сақталса, шығысында төтенше өрт қаупі болады. Павлодарда күндіз жаңбыр жауып, найзағай мен бұршақ күтіледі. Түнде тұман болады.

Қарағанды облысында таңертең және күндіз облыстың солтүстігінде, оңтүстігінде және шығысында жаңбыр жауып, найзағай болады. Күндіз ауа температурасы 35 градусқа дейін көтеріледі. Оңтүстікте жоғары өрт қаупі сақталады, ал батысында, шығысында және орталығында төтенше өрт қаупі болады.

Ұлытау облысында күндіз солтүстікте, шығыста және орталық бөлігінде аздаған жаңбыр жауып, найзағай күтіледі. Ауа температурасы күндіз 35-37 градусқа дейін көтеріледі. Батысы мен солтүстігінде жоғары өрт қаупі сақталса, шығысы мен оңтүстігінде төтенше өрт қаупі болады. Жезқазғанда күндіз 35 градус ыстық күтіледі.

Шығыс Қазақстан облысында батыста, солтүстікте және шығыста өткінші жаңбыр жауып, найзағай болады. Күндіз бұршақ түсіп, екпінді жел соғуы мүмкін. Солтүстік-батыс және солтүстік жел күндіз батыста, солтүстікте және шығыста секундына 15-20 метрге дейін күшейеді. Ауа температурасы 35 градусқа дейін көтеріледі. Өңірде жоғары өрт қаупі сақталады, ал оңтүстігі мен орталығында төтенше өрт қаупі болады. Өскеменде өткінші жаңбыр жауып, найзағай болады. Желдің екпіні секундына 15-20 метрге дейін жетеді. Қала маңында жоғары өрт қаупі сақталады.

Абай облысында солтүстікте, оңтүстікте және орталық бөлігінде өткінші жаңбыр жауып, найзағай болады. Күндіз бұршақ түсіп, дауылды жел соғуы мүмкін. Солтүстік-батыс және солтүстік жел күндіз облыстың солтүстігінде, шығысында және орталығында секундына 15-20 метрге дейін күшейеді. Күндіз ауа температурасы 35-37 градусқа дейін көтеріледі. Облыс бойынша төтенше өрт қаупі сақталады. Семейде күндіз өткінші жаңбыр жауып, найзағай болады. Желдің екпіні секундына 15-20 метрге дейін жетеді.

Алматы облысында күндіз батыста, оңтүстікте және таулы аудандарда өткінші жаңбыр жауып, найзағай болады. Оңтүстік-батыс желі батыста, оңтүстікте және таулы аймақтарда секундына 15-20 метрге дейін күшейеді. Күндіз ауа температурасы 35-38 градусқа дейін көтеріледі. Солтүстігінде төтенше өрт қаупі сақталады, ал батысында, оңтүстігінде, орталығында және шығысында жоғары өрт қаупі болады.

Алматыда күндіз ауа температурасы 35 градусқа дейін көтеріліп, жоғары өрт қаупі сақталады. Қонаевта күндіз 35-36 градус ыстық болады. Іле Алатауының таулы аудандарында күндіз өткінші жаңбыр жауып, найзағай болады, желдің екпіні кей уақытта секундына 15-20 метрге дейін жетеді.

Жетісу облысында оңтүстікте, орталықта және таулы аудандарда өткінші жаңбыр жауып, найзағай болады. Оңтүстік-шығыс желі облыстың солтүстігінде, шығысында және таулы өңірлерде секундына 15-20 метрге дейін күшейеді. Күндіз ауа температурасы 35-36 градусқа дейін көтеріледі. Орталық бөлігінде жоғары өрт қаупі күтіледі, ал шығысы мен батысында төтенше өрт қаупі сақталады. Талдықорғанда күндіз өткінші жаңбыр жауып, найзағай болады, жоғары өрт қаупі күтіледі.

Жамбыл облысында түнде таулы аудандарда, күндіз оңтүстік-батысында, солтүстік-шығысында және таулы өңірлерде өткінші жаңбыр жауып, найзағай болады. Оңтүстік-батыс желі таулы аймақтарда солтүстік-батыс бағытқа ауысып, секундына 15-20 метрге дейін күшейеді. Күндіз ауа температурасы 38 градусқа дейін жетеді. Облыс бойынша жоғары өрт қаупі сақталады, ал батысы мен оңтүстігінде төтенше өрт қаупі болады. Таразда күндіз өткінші жаңбыр жауып, найзағай күтіледі.

Қызылорда облысында күндіз солтүстігі мен орталығында жаңбыр жауып, найзағай болады. Күндіз ауа температурасы 40 градусқа дейін көтеріледі. Өңірде төтенше өрт қаупі сақталады. Қызылорда қаласында да жаңбыр мен найзағай күтіледі.

Ақтөбе облысында күндіз солтүстікте, оңтүстікте және шығыста жаңбыр жауып, найзағай болады, бұршақ түсуі мүмкін. Оңтүстікте ауа температурасы 35 градусқа дейін көтеріледі. Өңірдің оңтүстігінде төтенше өрт қаупі сақталады. Ақтөбеде күндіз жаңбыр жауып, найзағай болады.

Батыс Қазақстан облысында түнде батысында, солтүстігінде және шығысында жаңбыр жауып, найзағай болады. Батыс және оңтүстік-батыс желі күндіз батысы мен солтүстігінде секундына 15-20 метрге дейін күшейеді. Батысы мен оңтүстік-батысында жоғары өрт қаупі сақталады, ал қиыр батысында төтенше өрт қаупі болады. Оралда түнде жаңбыр жауып, найзағай болады, күндіз жел күшейеді.

Атырау облысында түнде батысында, солтүстігінде және оңтүстігінде жаңбыр жауып, найзағай күтіледі. Солтүстік-батыс және батыс желі оңтүстікте секундына 15-20 метрге дейін күшейеді. Күндіз ауа температурасы 35 градусқа дейін жетеді. Өңірде жоғары өрт қаупі сақталады. Атырау қаласында да жоғары өрт қаупі болады.

Маңғыстау облысында солтүстік-шығысында, оңтүстігінде және орталығында жаңбыр жауып, найзағай болады. Түнде және таңертең облыстың батысында тұман түседі. Солтүстік-батыс желі түнде солтүстік-шығысында секундына 15-18 метрге дейін күшейеді. Облыстың батысында жоғары өрт қаупі сақталады. Ақтауда түнде және таңертең тұман түсіп, жоғары өрт қаупі сақталады.