Шахтинск қаласының тұрғыны үйінің ауласын есірткі алқабына айналдырған

Қарағанды облысында Шахтинск қаласының тұрғыны үйінің ауласын есірткі алқабына айналдырған, деп хабарлайды Azattyq Rýhy.

Полиция қызметкерлері Қарағандының шеткері ауданындағы жеке үйлердің бірінен ірі есірткі алқабын тапты.

Үй иесінен күтіп-бапталған 543 түп қарасора, гараждан өткен жылғы өнімнен қалған 54 түп кептірілген марихуана және есірткі тұтынуға арналған құралдар табылды.

«39 жастағы үй иесі бұл өнімнің бәрін «тек жеке пайдалану үшін өсірдім» деп ақталуға тырысқан. Қазіргі уақытта сотқа дейінгі тергеу амалдары жүргізіліп жатыр. Полицейлер есірткінің айналымға түсу арналарын анықтап жатыр», – делінген облыстық ПД хабарламасында.