Астана-Қарағанды тасжолының бір бөлігі бір айға жабылатын болды

Астана қаласда 9 маусым мен 9 шілде аралығында Астана-Қарағанды тасжолының Қобда тұйық көшесінен А-135 көшесіне дейінгі аралығында орташа жөндеу жүргізіледі, деп хабарлайды Azattyq Rýhy.

Елорда әкімдігінің мәліметінше, көліктер жолдың бір жағымен екі бағытта қатынайды. Жұмыс кезең-кезеңімен жүргізіледі.

Осы учаскеде кептелістердің алдын алу мақсатында балама бағыттармен қатынауға болады:

• көлік айрығынан оңға қарай айналма жолмен Ақжол көшесіне немесе Алаш тасжолына дейін;

• көлік айрығынан солға қарай айналма жолмен Шерхан Мұртаза көшесіне дейін.

«Жүргізушілер мен жаяу жүргіншілер жүру бағытын алдын ала жоспарлауы қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады», – делінген қала әкімдігінің хабарламасында.