Шекарада ұсталды: Қазақстанна 300 тонна жанармай ұрланбақ болған

Ұлттық қауіпсіздік комитетінің Шекара қызметі мұнай өнімдерін мемлекеттік шекара арқылы заңсыз алып кетуге жол бермеу үшін шаралар қабылдауда. Биыл жыл басынан бері өткізу пункттерінде жанар-жағармайды заңсыз шығарудың 2400-ден астам фактісінің жолы кесілді, деп хабарлайды Azattyq Rýhy.

ҰҚК мәліметінше, тәркіленген өнімнің көлемі (бензин, дизель отыны, керосин және т.б.) 300 тоннадан асады, ал құны – шамамен 60 млн теңге.

«Кінәлі адамдар Қазақстан Республикасының қолданылып журген заңнамасына сәйкес жауапқа тартылды. Бұл іс-әрекеттер елдің энергетикалық қауіпсіздігін қамтамасыз етуге және ЖЖМ көлеңкелі айналымына жол бермеуге бағытталған. Осы бағыттағы жұмыс жалғасып жатыр», – делінген ҰҚК хабарламасында.