Жазғы кестеде рейстер аптасына үш рет орындалады
«Россия» әуе компаниясы Астана мен Санкт-Петербург арасындағы тікелей рейстердің қайта жанданғанын хабарлады, деп хабарлайды Azattyq Rýhy елорда әуежайының баспасөз қызметіне сілтеме жасап.
Тұрақты рейстер 3 маусымнан басталады. Ұшулар «эконом» және «бизнес» кластарынан тұратын Airbus A319 ұшақтарымен жүзеге асырылады.
Жазғы маусымда рейстер аптасына үш рет жоспарланған: Астанадан – дүйсенбі, бейсенбі және сенбі күндері, ал Санкт-Петербургтен – сейсенбі, жұма және жексенбі күндері ұшады.
Бұл бағыт жолаушылар арасында сұранысқа ие болып, Астана мен Санкт-Петербург арасындағы туристік және іскерлік қатынастың артуына ықпал етеді деп күтілуде.