Бурятияда қар көшкіні жүріп, Қазақстан азаматы көз жұмды

Бурятияда «Ирокинда» кенішіндегі қар көшкіні кезінде қаза тапқандар арасында Қазақстан азаматы болғаны анықталды, деп хабарлайды Azattyq Rýhy.

Бұл туралы ТАСС агенттігіне құқық қорғау органдарындағы дереккөздер хабарлаған.

Оқиға 28 сәуір күні Муй ауданы аумағында болған. Технологиялық жолды тазалау жұмысымен айналысып жатқан тоғыз адамнан тұратын топ қар көшкініне тап болған. Үшеуі өздігінен шығып үлгерсе, қалғандары қар астында қалған.

Оқиға орнында ауқымды іздестіру-құтқару жұмысы жүргізілді. 29 сәуірге қараған түні құтқарушылар алты адамның мәйітін тапты. Төтенше жағдайлар министрлігінің мәліметінше, қалған қаза тапқандар – Ресей азаматтары.