Бірқатар бағытта қозғалысқа шектеу қойылды
«ҚазАвтоЖол» ұлттық компаниясы 2026 жылғы 23 наурыз күнгі республикалық маңызы бар тас жолдардағы ахуалды жариялады. Ауа райының қолайсыздығына байланысты бірқатар бағытта қозғалысқа шектеу қойылды, деп хабарлайды Azattyq Rýhy.
Қазіргі уақытта келесі учаскелерде көліктің барлық түрі үшін қозғалыс ашық:
Ақмола облысы: «Астана — Шідерті — Павлодар» тасжолының 16–200 шақырымы (Астана қаласынан Павлодар облысының шекарасына дейін).
Павлодар облысы: осы бағыттың жалғасы — 200–254 шақырымы (Ақмола облысының шекарасынан Шідерті кентіне дейін).
Көліктің барлық түрі үшін келесі бағыттарда жол жабық:
Солтүстік Қазақстан облысы: «Тимирязево — Сарыкөл — Қостанай обл. шекарасы» (0–30 шақырым).
Ақмола облысы: «Астана — Қарағанды — Алматы» жолы (30–92 шақырым, «Жібек жолы» өткелінен Қарағанды обл. шекарасына дейін).
Қарағанды облысы: «Астана — Қарағанды — Алматы» (92–164 шақырым, Ақмола обл. шекарасынан Теміртау қаласына дейін).
Павлодар облысы: «Астана — Шідерті — Павлодар» жолындағы «Қалқаман» айрығы мен ауылға кіреберіс тұсы.
Шығыс Қазақстан облысы: Осинов асуында (46–66 шақырым, Северный ауылы мен Серебрянск қаласының арасы) күрделі тау жағдайларына байланысты тіркемесі бар жүк көліктері үшін қозғалысқа тыйым салынған.