«Референдум өтті деп саналды»: қазақстандықтардың жартысынан көбісі дауыс берді

Референдум жөніндегі орталық комиссияның хатшысы Шавхат Өтемісовтің мәліметіне сүйенсек, сағат 14:00-дегі жағдай бойынша қазақстандықтардың 51,93%-ы дауыс берді, деп хабарлайды Azattyq Rýhy.

Орталық референдум комиссиясы хабарлайды: облыстардың, республикалық маңызы бар қалалардың және астананың аумақтық комиссиялары ұсынған деректерге сәйкес сағат 14.00-дегі жағдай бойынша өңірлерде азаматтардың келуі мынаны құрады:

• Абай облысы 61,04 %
• Ақмола облысы 60,05 %
• Ақтөбе облысы 61,37 %
• Алматы облысы 56,13 %
• Атырау облысы 56,54 %
• Батыс Қазақстан облысы 49,97 %
• Жамбыл облысы 51,13 %
• Жетісу облысы 59,82 %
• Қарағанды облысы 57,32 %
• Қостанай облысы 56,51 %
• Қызылорда облысы 64,63 %
• Маңғыстау облысы 53,14 %
• Павлодар облысы 53,31 %
• Солтүстік Қазақстан облысы 52,37 %
• Түркістан облысы 58,03 %
• Ұлытау облысы 52,06 %
• Шығыс Қазақстан облысы 59,60 %
• Астана қаласы 40,68 %
• Алматы қаласы 21,68 %
• Шымкент қаласы 58,24 %

«Жалпы сағат 14.00-дегі жағдай бойынша республиканың 6 471 378 азаматы бюллетень алды. Ол тізімге енгізілген азаматтардың 51,93 % құрады. «Республикалық референдум туралы» Қазақстан Республикасының Конституциялық заңының 31-бабы 2 тармағына сәйкес егер референдумға қатысу құқығы бар азаматтардың жартысынан көбі дауыс беруге қатысқан болса, референдум өткізілген деп саналады. Дауыс беру учаскелеріне келу туралы келесі ақпарат жергілікті уақыт бойынша 16.00-де беріледі», – деп мәлім етті Шавхат Өтемісов.