Ведомство азаматтарды сақ болуға шақырады
Қазақстанда курьерлік қызмет атын жамылған алаяқтардың жаңа толқыны басталды. Бас прокуратураның Құқықтық статистика және арнайы есепке алу жөніндегі комитеті азаматтарды сақ болуға шақырады, деп хабарлайды Azattyq Rýhy ведомствоның ресми Telegram-арнасына сілтеме жасап.
Алаяқтар мессенджерлер (WhatsApp, Telegram) мен SMS арқылы сәлемдеменің жеткізілмей қалғаны туралы жалған хабарламалар таратады. Бұл хабарламалар сырттай қарағанда қарапайым курьерлік қызметтің ескертуіне өте ұқсас.
Алаяқтар не істейді:
1. Хабарламада курьер сәлемдемені тапсыра алмағаны айтылады.
2. Жеткізуді қайта рәсімдеу үшін арнайы сілтемеге өту ұсынылады.
3. Сілтеме логистикалық компанияның ресми сайтына ұқсас фальшивый (фейк) сайтқа апарады.
4. Ол жерде сізден аты-жөніңізді, ЖСН, мекенжайыңызды енгізуді және қайта жеткізу үшін «аз ғана мөлшерде» ақы төлеуді сұрайды.
Сіз банк картаңыздың деректерін енгізген сәтте қылмыскерлер шоттағы ақшаңызға толық қол жеткізеді. Сонымен қатар, дербес деректеріңіз (ЖСН, мекенжай) болашақта басқа да қылмыстық схемалар үшін пайдаланылуы мүмкін.
Алаяқтардың құрығына түспеу үшін ведомство келесі шараларды сақтауды сұрайды:
Күтпеген сілтемелерді ашпаңыз: Егер сіз ешқандай тауарға тапсырыс бермесеңіз, хабарламадағы сілтемелерді баспаңыз.
Сайттың адресін тексеріңіз: Алаяқтық сайттардың атауы ресми сайттан бір-екі әріппен ғана ерекшеленуі мүмкін.
Ресми қолданбаны қолданыңыз: Сәлемдеменің күйін тек ресми қосымша немесе компанияның ресми сайты арқылы ғана тексеріңіз.
Деректеріңізді жария етпеңіз: Күмәнді ресурстарда банк картасының деректерін немесе жеке мәліметтерді ешқашан қалдырмаңыз.
«Алаяқтар азаматтардың сенгіштігі мен сәлемдеме туралы хабарламаға тез жауап беру әдетін шебер пайдаланады. Цифрлық ортадағы сақтық — сіздің қаржыңыз бен жеке деректеріңіздің басты қорғаны», — деп ескертеді Бас прокуратура.
Егер сізге осындай хабарлама келсе, оны елемеңіз және нөмірді бірден бұғаттаңыз.