Ол есірткі қылмысына байланысты сотталды
Шымкент қаласында Тұран ауданы полиция басқармасының басшысы Нұржан Тілеуовке қатысты сот үкімі шықты. Бұл туралы Azattyq Rýhy агенттігі Otyrar-ға сілтеме жасап хабарлайды.
Ол ҚР Қылмыстық кодексінің 366-бабының 2-бөлімі бойынша кінәлі деп танылып, 6 жылға бас бостандығынан айырылды.
Іс материалдарына сәйкес, Тілеуов қылмыстық істі есірткі саудасынан есірткі сақтау деп қайта саралауға көмектескені үшін 6 миллион теңге алды деп айыпталған.
Өзі сотта кінәсін мойындамаған. Ол үкімнің заңсыз екенін, ақша тапсыру әрекетінің арандатушылық сипатта болғанын айтты. Алайда кейіннен 3 млн теңгені арыз берушіге қайтарғаны көрсетілген.
Нұржан Тілеуовті 2025 жылдың 20 тамызында ҰҚК қызметкерлері ұстаған. Іс бойынша оның бір қызметкері жауапқа тартылған.