Оқыс оқиға 14 желтоқсан күні болды
Астана-Петропавл автожолында Honda мен Chevrolet Niva автокөліктері соқтығысып қалды. Оқыс оқиға салдарынан жеті адам зардап шекті, деп хабарлайды Azattyq Rýhy.
Ақмола облысы полиция департаментінің мәліметінше, апат 14 желтоқсанда тасжолдың 292-ші шақырымында болды.
«Жол-көлік оқиғасының нәтижесінде екі жүргізуші, Chevrolet Niva автокөлігінің екі кәмелетке толмаған жолаушысы, сондай-ақ Honda автокөлігінің үш жолаушысы әртүрлі дене жарақаттарымен медициналық мекемеге жеткізілді», – деп хабарлады полиция.
Оқиға бойынша сотқы дейінгі тергеу басталды. Оның нәтижесінде процессуалдық шешім қабылданады.