Бүгін Нұр-Сұлтанда «Сыртқы саяси зерттеулер институты» АҚ Директорлар кеңесінің бірінші отырысы өтті, деп хабарлайды Azattyq Rýhy тілшісі
«Отырысты ашқан Министр Мұхтар Тілеуберді Директорлар кеңесінің мүшелерін сайлануымен құттықтап, отырысқа қатысушыларды Сыртқы саяси зерттеулер институтының мақсаттары және міндеттерімен таныстырды. Директорлар кеңесін ҚР Президентінің көмекшісі Мәулен Әшімбаев басқарады», - деп хабарлады Сыртқы істер министрлігінің баспасөз қызметі.
Институттың негізгі міндеті – Қазақстан Республикасы сыртқы саясатының басым бағыттарын іске асыру бойынша практикалық ұсынымдар әзірлеу, әлемдік саясат пен экономикада, ұлттық және халықаралық қауіпсіздік саласында өзекті трендтерді сараптау.