Сотқа дейінгі тергеу амалдары басталды
Алматы облысындағы «Нарынқол» шекара заставасының аумағындағы қызметтік үйде өрт шығып, салдарынан әскери қызметші мен оның кішкентай баласы қаза тапты. Осы факт бойынша сотқа дейінгі тергеу амалдары басталды, деп хабарлайды Azattyq Rýhy.
ҚР Ұлттық қауіпсіздік комитетінің Шекара қызметінің мәліметі бойынша, застава аумағындағы тұрғын үйде болған өртті Төтенше жағдайлар департаментінің күштері толығымен сөндірген.
Өрттің шығу себептері мен оқиғаның толық мән-жайы қазіргі уақытта анықталуда.
Шекара қызметі бұл факт бойынша сотқа дейінгі тергеудің басталғанын хабарлады.
«Осы қайғылы оқиғаға байланысты қаза тапқандардың туыстары мен жақындарына терең қайғырып көңіл айтамыз. Оларға қажетті барлық көмек көрсетіліп жатыр», – делінген хабарламада.
Қазіргі кезде тергеушілер өрттің неден шыққанын және қандай да бір қауіпсіздік ережелерінің бұзылуы болған-болмағанын тексеруде.