Светлана Айтбаева Димаштың болашақ жарына қатысты ойын айтты

Әнші, ҚР Еңбек сіңірген қайраткері Светлана Айтбаева Jibek Joly телеарнасындағы «Бүгін.live» бағдарламасында Димаштың болашақ жарына қояр талабын ортаға салды, деп хабарлайды Azattyq Rýhy.

«Баласын аяқтандыру кез келген ата-ананың арманы ғой. Сәті түскен күні үйленеді деп күтіп жүрміз. Әзірге Димаштың бірнеше жоспарланған концерті бар. Қазір күнтізбесі тығыз, концерттеріне дайындалып, жүгіріп жүр. Қазақ «маңдайға жазылғаннан асып кете алмайсың» деп айтады ғой. Маңдайға жазылған жақсылық бар деп үміттенеміз», - деді әнші.

Светлана Айтбаева Димаштың болашақ жарына қатаң талап қоймайтынын, баласының таңдауына толық сенетінін атап өтті.

«Қатаң талап қоймаймыз. Кім болса да бұйырғаны. Құшақ жая қарсы аламыз. Әрине, жақсы кеңестерімізді айтуға тырысамыз. Өзіміздің әулетіміздегі әдемі қағидаларға баулитынымыз рас», - деп түйіндеді ол.

Еске сала кетейік, Димаш Құдайбергеннің белгісіз бойжеткенді сүйіп тұрған суреті әлеуметтік желіде тарап кеткен болатын.