Қазақстанның барлық өңірінде дауылды ескерту жарияланды

«Қазгидромет» республиканың 17 облысы мен Астана қаласына 2025 жылдың 1 желтоқсанына арнап дауылды ескерту жариялады. Қыстың алғашқы күнінде Қазақстанның көп бөлігінде ауа райы күрт нашарлайды, деп хабарлайды Azattyq Rýhy. 

Қай өңірлерде ауа райы бұзылады?

1 желтоқсанда бірнеше облыста жүргізушілер үшін ең қауіпті саналатын құбылыстар күтіледі:

Ақмола облысы: Солтүстігінде және шығысында көктайғақ пен тұман болады.

Павлодар облысы: Күндіз солтүстігі мен шығысында көктайғақ болады. Түнде солтүстігі мен шығысында тұман күтіледі. (Павлодар қаласында түнде тұман болады.)

Солтүстік Қазақстан облысы: Солтүстігі мен шығысында көктайғақ болжанады. Батысында тұман күтіледі.

Абай облысы: Солтүстігінде қар, жердегі боран (низовая метель) болады. Оңтүстігі мен шығысында тұман түседі.

Тұман болжанған өңірлер

Еліміздің басым бөлігіндегі ауа райының негізгі қаупі қалың тұман болып отыр. Төмендегі облыстарда көру мүмкіндігі шектеледі:

Астана қаласы: Тұман күтіледі.

Ақтөбе облысы: Түнде және таңертең солтүстігінде, шығысында тұман болады.

Маңғыстау облысы: Солтүстігінде, орталығында тұман күтіледі.

Жетісу облысы: Түнде және таңертең орталығында тұман болады. (Талдықорғанда түнде және таңертең тұман түседі.)

Шығыс Қазақстан облысы: Солтүстігінде, оңтүстігінде, шығысында тұман күтіледі.

Қостанай облысы: Солтүстігінде, батысында, оңтүстігінде тұман күтіледі. (Қостанайда тұман болады.)

Атырау облысы: Түнде және таңертең солтүстігінде, батысында тұман күтіледі.

Алматы облысы: Түнде және таңертең батысында, оңтүстігінде тұман болады.

Түркістан облысы: Батысында, оңтүстігінде, таулы аудандарында тұман күтіледі. (Түркістанда түнде және таңертең тұман болады.)

Жамбыл облысы: Кей уақытта тұман болады.

Ұлытау облысы: Солтүстігінде, шығысында, орталығында тұман күтіледі.

Қызылорда облысы: Солтүстігінде, орталығында тұман күтіледі.

Қарағанды облысы: Солтүстігінде, оңтүстігінде тұман күтіледі.

Батыс Қазақстан облысы: Батысында, солтүстігінде, шығысында тұман күтіледі. 

Синоптиктер жүргізушілер мен жаяу жүргіншілерді ауа райының нашарлауына байланысты аса сақ болуға шақырды.