Ол кешкісін үйінен шығып, қайта оралмаған
Астанада 1966 жылы туған ер адамды іздеу жұмыстары бір тәуліктен кейін нәтижелі аяқталды. Ол Сарыарқа ауданында тұрады және кешкісін үйінен шығып, қайта оралмаған. Туыстарының дабылынан кейін құтқарушылар іздеуге кіріскен, деп хабарлайды Azattyq Rýhy.
Іздеу жұмыстарына ТЖМ күші, кинологтар және арнайы дрон тартылды. Құтқарушылар бірнеше учаскені тексеріп, ер адамның жүрген бағытын анықтаған.
ТЖМ таратқан мәліметке сүйенгенде, ТЖД тобы ер адамды елді мекеннен шамамен бір шақырым жердегі ашық аумақта тауып, туыстарына тапсырған.
Оған медициналық көмек қажет болмаған.