ТЖМ тікұшағы шұғыл медициналық тасымалдауды іске асырды
Құрманғазы ауданында ер адамды құтқару үшін тікұшақпен шұғыл түрде Атырау қаласына жеткізді, деп хабарлайды Azattyq Rýhy.
Министрлік мәліметінше, «Қазавиақұтқару» АҚ әуе кемесі Құрманғазы ауданы Құрманғазы ауылынан Атырау қаласына 47 жастағы ер адамды жедел түрде медициналық тасымалдады.
Экипаждың жедел әрекеттері мен медициналық бригаданың үйлесімді жұмысының арқасында ұшу сәтті өтті.
«Облыс орталығында қонғаннан кейін пациент бірден медицина қызметкерлеріне табысталып, одан әрі облыстық медициналық мекемеге жеткізілді.
Қазақстан ТЖМ Қазавиақұтқару күрделі және шұғыл жағдайларда жедел көмек көрсетуді жалғастырып, азаматтардың өмірін сақтауға бағытталған маңызды миссиясын жалғастыруда», – делінген ҚР ТЖМ хабарламасында.