Қар аралас жаңбыр, көктайғақ: бейсенбіге арналған ауа райы болжамы жарияланды

«Қазгидромет» РМК бейсенбіге арналған ауа райы болжамын жариялады, деп хабарлайды Azattyq Rýhy.

Солтүстік және орталық өңірлер (Астана, Ақмола, Қостанай, СҚО, Павлодар, Қарағанды, Ұлытау)

Солтүстік пен орталықта қар аралас жаңбыр жауады, көктайғақ, төменгі бұрқасын күтіледі. Көп өңірлерде тұман түседі. Жел солтүстік-батыстан 9-14 м/с, кей жерлерде 15-23 м/с-қа дейін күшейеді. Ауа температурасы тәулік бойы -5…+3° аралығында. Астанада аздаған жауын-шашын, Көкшетау мен Қостанайда ашық ауа райы, Петропавлда жел күшейіп, аяз -1…-3°. Павлодарда күндіз жаңбыр мен қар, көктайғақ болады.

Шығыс өңірлер (ШҚО, Абай, Жетісу)

Шығыста күндіз жаңбыр мен қар, бұрқасын, көктайғақ күтіледі. Желдің екпіні 20-25 м/с-қа дейін жетеді. Түнгі температура -10…-3°, күндіз -2…+3°. Өскемен мен Семейде күндіз жауын-шашын, ал Жетісу облысында ауа райы ашық, түнде -5…-7°, күндіз +11…+18° болады. Таулы аймақтарда тұман сақталады.

Оңтүстік өңірлер (Алматы қаласы, Алматы, Түркістан, Жамбыл, Қызылорда облыстары)

Оңтүстікте жауын-шашын болмайды, ауа райы ашық. Алматы мен Қонаевта +12…+14°, Талдықорғанда түнде -5°, күндіз +11…+13°. Түркістан мен Шымкентте +15…+18°, Таразда +16…+18°. Қызылордада күн ашық, күндіз +11…+13°. Бірқатар өңірде түнде тұман болады.

Батыс өңірлер (Батыс Қазақстан, Атырау, Маңғыстау, Ақтөбе облыстары)

Батыс өңірлерде жауын-шашынсыз. Көп аумақта түнде тұман түседі. Атырау мен Ақтауда күн ашық, түнде 0…+6°, күндіз +5…+12°. Ақтөбеде -3…-1°, күндіз +3…+5°. БҚО-да түнде -5°, күндіз +3…+5°. Жел солтүстік және солтүстік-шығыстан 7-14 м/с болады, кейбір бағыттарда күшеюі мүмкін.