Қазақстан хоккей федерациясының алғашқы президенті пневмониядан  көз жұмды

Кеше, 27 маусым күні 82 жасына қараған шағында Қазақстанның шайбалы хоккей федерациясының алғашқы президенті Анатолийй Злотников көз жұмды, деп хабарлайды федерациясының баспасөз қызметі.

Ол екі апта бойы екіжақты өкпе қабынуымен күрескені хабарланып отыр.

Анатолий Злотников федерацияны 1992-1997 жылдары басқарып, осы спорт түрі Қазақстанда енді қалыптасып келе жатқанда, оны дамытуға үлес қосқан. Ол Қазақстанның хоккейін халықаралық деңгейде танытқан алғашқы қайраткерлердің бірі. 2000 жылдардың басында ол Федерация төрелерінің төрағасы болып, шәкірт тәрбиелеген.