Шымкентте досымен бәстескен дардай еркек 26 қаламды жұта салған (ВИДЕО)

38 жастағы ер адамға дәрігерлер шұғыл операция жасаған

Фото: instagram.com/reels/DPy1hldCBYr/

Шымкентте 38 жастағы ер адам досымен бәстесіп, 26 қаламды жұтып қойған. Біраздан кейін іші ауырған оған дәрігерлер шұғыл түрде операция жасады, деп хабарлайды Azattyq Rýhy.

Жергілікті «Отырар» телеарнасының мәліметіне сүйенсек, дәрігерлер адамның ішін тілмей, қаламдарды эндоскопия арқылы алып шыққан.

«38 жастағы ер адамды тексерген дәрігерлер оның асқазасынан бөтен зат байқады. Тексере келе, оның қалам екенін анықтады. Дәрігерлер оның ішін тілмей, эндоскопия арқылы асқазанынан 26 қалам алып шықты», - деп хабарлайды қаланың 1 клиникалық ауруханасы.

Дәрігерлер ересектерге бұндай қауіпті әрекеттерден аулақ болған жөн деп кеңес береді.