«Семейде 40 метр ағаш өспейді»: Абай облысының прокуратурасы 150 млн теңгені қалай үнемдеді

Абай облысының прокуратурасы құны 150 млн теңгелік тендердің күшін жойып, бюджет қаражатын үнемдеді, деп хабарлайды Azattyq Rýhy.

Прокуратураның ақпаратына сүйенсек, тендер жариялаған мекеме қураған ағаштарды кесіп, жаңа көшеттерге күтім жасау үшін тендер жариялаған. Оның құнын 150 млн теңге деп бекіткен.

Ең қызығы, прокуратура жазып отырғандай, конкурс талабына сай тендерге қатысатын компаниялар биіктігі 40 метрге жететін ағаштарды кесетін құралын ұсыну керек.

«Мұндай талап артық болып саналады, себебі Семей қаласында мұндай биік ағаштар өспейді және бұл Қазақстанның климатына жат дүние», - деп жазған прокуратура.

Прокуратура конкурстың күшін жойып, тендердің құжатын заңға сәйкестендірген.