Үшінші қабаттан құлаған бала ауруханаға түсті
Павлодарда үшінші қабаттағы балконнан құлаған 9 жасар бала ауыр жарақатпен ауруханаға жеткізілді. Оқиға 19 шілде күні сағат 21:55-те тіркелген. Бұл туралы Павлодар облысы бойынша бала құқықтары жөніндегі уәкіл Сәуле Шәкенова мәлім етті, деп хабарлайды Azattyq Rýhy.
«2016 жылы туған бала ерекше білім беру қажеттілігі бар ретінде тіркелген. Ол үшінші қабаттағы жалпы балконнан құлап кеткен. Жарақаттары көп – сүйек сынуы мен дене жарақаттары бар. Қазір ол облыстық балалар ауруханасына жатқызылды», – деді Шәкенова.
Оқиға туралы алғашқы ақпаратты kerek.pv ресурсы жариялаған. Ондағы мәлімет бойынша, бала подъездің шатырына құлап түскен.