«Mercedes-benz E240" автокөлігінің жүргізушісі жол апатын жасады
Жамбыл облысының Қордай ауылында көлік қаққан екі бала бірнеше метрге ұшып түсті, деп хабарлайды Azattyq Rýhy облыстық полиция департаментіне сілтем е жасап.
Оқиғаның видеосы әлеуметтік желіде тарады. Одан екі баланың жаяу жүргіншілер жолағымен жүгіріп өтпек болғанын көруге болады.
Полицияның мәліметінше жол апаты 19 мамырда сағат 14:54-те болған.
"Жібек Жолы көшесімен жүріп келе жатқан "Mercedes-benz E240" автокөлігінің жүргізушісі екі баланы қағып кетті. Олар жаяу жүргіншілер жолағымен жолды кесіп өтпек болған", - дейді ведомство.
Балалар түрлі жарақат алды, олар дереу аудандық ауруханаға жеткізілді.
Қылмыстық Кодекстің 345-бабы 2-бөлігі "Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы" бойынша қылмыстық іс қозғалып, автокөлік айып тұрағына қойылған.