Сәби ауруханада жан тапсырды
Атырау облысында жантүршігерлік оқиға болды. Жол апаты салдарынан бала көз жұмды, деп хабарлайды Azattyq Rýhy Azh.kz сайтына сілтеме жасап.
Атырау облыстық полиция департаментінің хабарлауынша, 21 сәуір күні сағат 17:50-де Индербор ауылында Lada Priora көлігінің 30 жастағы жүргізушісі 3 жасар баланы қағып кеткен.
Сәби алған жарақатынан Индер аудандық ауруханасында көз жұмды. Қазіргі таңда қылмыстық іс қозғалып, тергеу амалдары жүргізілуде.