Азаматтар «E-Densaulyk» сервисі арқылы медициналық деректерді ала алады
Жеке медициналық кітапшаларды (санитариялық кітапшалардың) электрондық форматта қолдануға болады, деп хабарлайды Azattyq Rýhy.
«Азаматтар енді egov mobile мобилдік қосымшасындағы «E-Densaulyk» сервисі арқылы медициналық тексеру нәтижелері мен өздерінің санитариялық кітапшасы туралы деректерді ала алады, бұл медициналық тексеруден өту уақытын едәуір қысқартады және терапевтке қайта бару қажеттілігін болдырмайды. Санитариялық кітапша дайын болған кезде азаматтар 1414 нөмірінен СМС-хабарлама алады», - делінген ведомствоның хабарламасында.
Жұмыс берушілер қызметкерлердің медициналық кітапшаларының өзектілігін hr.enbek.kz тегін еңбек ресурстары порталы арқылы тексере алады, бұл санитариялық нормалардың сақталуын бақылауды жеңілдетеді және ықтимал қателіктердің алдын алады.
Электрондық жүйе қоғамдық тамақтандыру, дәріханалар, санаторийлер қызметкерлерін, сондай-ақ қызмет көрсету қызметкерлері мен медицина қызметкерлерін қоса алғанда, қызметкерлердің 15 санатын қамтиды. Бұл санаттар үшін тұрақты медициналық тексерулер жылына бір рет немесе алты айда бір рет өткізіледі.