Оқиға орнынан 1972 жылы туған әйелдің денесі табылды
17 желтоқсанда таңғы сағат 05:47-де Шымкент қаласындағы тұрғын үйлердің бірінде өрт шықты, деп хабарлайды Azattyq Rýhy Otyrar-ға сілтеме жасап.
Тілсіз жау 100 шаршы метр аумақты шарпыған. Өрт салдарынан түтінге уланған үш адам — 2000, 2001 және 2024 жылы туған азаматтар ауруханаға жеткізілді.
Оқиға орнынан 1972 жылы туған әйелдің денесі табылды.
Өрт 06:44-те оқшауланып, 06:59-да толық сөндірілді.
Аталған оқиға бойынша қылмыстық іс қозғалып, өрттің шығу себептерін анықтау үшін кешенді тергеу амалдары жүргізілуде. Шымкент қалалық полиция департаменті басшылығы істі бақылауға алды.