Бұл сұраққа басқарма төрағасы Әсел Жанасова жауап берді
«Қазпоштамен» жануарлар тасымалдауға тыйым салынған. Бұл туралы «Қазпошта» АҚ басқарма төрағасы Әсел Жанасова айтты, деп хабарлайды Azattyq Rýhy.
Оның сөзінше, «Қазпошта» арқылы жануарлар тасымалдау бұрын-соңды болған емес.
«Жоқ, бізде ондай жағдай болған емес. Бірінші рет естіп тұрмын... Бұл тыйым салынған тауар түріне жатады», - деді ол.
Айта кетсек, осыған дейін шетелдік сайттар арқылы Қытайдан Қазақстанға кесіртке, жылан, тасбақа сияқты жабайы жануарларға тапсырыс бергендердің видеолары әлеуметтік желіде жарияланған болатын