«Пранк ұйымдастырған»: Ақтау тұрғынына жедел жәрдем шақырғаны үшін айыппұл салынды

Ақтау тұрғыны әзіл үшін жедел жәрдем бригадасын шақырған. Енді ол 80 мың теңге көлемінде айыппұл төлеуге міндеттеледі, деп хабарлайды Azattyq Rýhy жергілікті Lada.kz-ке сілтеме жасап.

Маңғыстау облыстық жедел және шұғыл медициналық жәрдем станциясының баспасөз қызметі оқиғаның егжей-тегжейін хабарлады.

Баспасөз қызметінің мәліметінше, оқиға 14 қазанда орын алған.

«103» пультіне көптеген дәрі-дәрмектерді қабылдағаны туралы хабарлаған Ақтау қаласының тұрғынынан шақыру келіп түсті. Жедел жәрдем бригадасы шақыруға шыққанда, тұрғын «пранк» ұйымдастырғанын айтты», - деді медициналық мекеменің баспасөз қызметі.

Осыған байланысты шақыру ҚР Әкімшілік құқық бұзушылық туралы Кодексінің 438-бабына сәйкес жалған болып тіркелді. Арнайы қызметтерді көрінеу жалған шақыртқаны үшін Ақтау қаласының тұрғынына 80 мың теңге көлемінде айыппұл салынды.