Оның қылмысын «Қазақстан Ғарыш Сапары» ғарыштан көрген
Қаржылық мониторинг агенттігі Ұлытау өңірінде марганец рудасын рұқсатсыз өндірген, артынан оны заңдастырған адамның тергеуін аяқтады, деп хабарлайды Azattyq Rýhy.
«Бұл азамат 2020-2023 жылдар аралығында ешқандай рұқсат құжаты болмаса да, Ұлытау облысындағы «Восточный карьерінен» марганец рудасын заңсыз өндірген. Қылмыс «Қазақстан Ғарыш Сапары» аэроғарыштық суреттерінің көмегімен анықталды», - деп хабарлады Қаржы мониторинг агенттігі.
Мемлекетке 1 млрд теңгеден астам шығын келген. Заңсыз өндірілген кен көлемі 16 мың тоннаны құрап, жалпы сомасы 3 млрд теңгеден асады.
«Күдіктінің 337 млн теңгенің жылжымалы және жылжымайтын мүлкі тәркіленді», - деп хабарлады агенттік.