Қасындағы көлікке де зақым келген
Астанада көпқабатты тұрғын үйдің тұрағына қойылған автокөлік отқа оранды. Төтенше жағдай елорданың сол жағалауында болған, деп хабарлайды Azattyq Rýhy.
Қалалық ТЖД ақпаратынша, Есіл ауданындағы үйдің ауласында Hyundai маркалы машинадан өрт шыққан.
«Сағат 05:49-да үйдің ауласында автокөлік жанып жатыр деген ақпарат түсті. Жеке құрамның бес қызметкері мен бір техника шұғыл оқиға орнына жетті. Өрт 06:08-де сөндірілді», - делінген хабарламада.
Анықталғандай, автокөліктің салоны мен багажы өртенген, жанында тұрған көлікке де зақым келген.