Жаңаөзенде көлігін басқара алмаған жүргізуші балалардың ойын алаңына соғылды

Жаңаөзенде жол талғамайтын көлік балалар алаңына соғылды. Әлеуметтік желіде тараған кадрларда көліктің балалар алаңындағы бірнеше құрылымды бұзып кеткенін көруге болады, деп хабарлайды Azattyq Rýhy Lada.kz-ке сілтеме жасап.

Маңғыстау облыстық полиция департаментінің баспасөз қызметі хабарлағандай, жол-көлік оқиғасы бүгін, 25 қыркүйекте, «Шұғыла» ықшам ауданында болған.

«Көлік жүргізушілерінің жол қозғалысы ережелерін бұзуы нәтижесінде адамдардың денсаулығына зиян келтіріп, көлік құралдарына немесе басқа да мүлікке залал келтіргені үшін жүргізушіге әкімшілік жауапкершілік жүктелді. Toyota Prado жүргізушісі әкімшілік жауапкершілікке тартылды. Зардап шеккендер жоқ», – деп түсіндірді ведомство.