Өрт сөндірушілер екі адамды эвакуациялады
Астана қаласы Алматы ауданы Ошақты көшесіндегі екі қабатты жатақханада өрт шықты, деп хабарлайды Azattyq Rýhy.
ТЖМ мәліметінше, елордалық өрт сөндірушілер өрт кезінде екі адамды эвакуациялады.
«Шақыру орнына келген өрт сөндірушілер үй заттарының тұтануын жедел сөндіріп, түтінді аймақтан екі тұрғынды эвакуациялады. Өрт сөндірілді. Зардап шеккендер жоқ», - делінген хабарламада.