Соқтығысқан көліктердің бірі коммуналдық қызметке тиесілі көрінеді
Астанадағы Ақмешіт көшесінде төрт көлік соқтығысып, ұзын-сонар кептеліс орнады, деп хабарлайды Azattyq Rýhy.
Көліктердің бірі – коммуналдық қызметтің «КамАЗ»-ына ұқсайды. Ол көлік жолдың бір жағын түгел жауып тастағандықтан, Ақмешіт көшесімен Сарайшық көпіріне қарай жүретін жолда ұзын кептеліс орнады.
Жолдың екінші жағында да үш көлікке зақым келгендіктен, Ақмешіт көшесімен Достық даңғылына қарай баратын жолда да көлік қозғадысы қиындаған.
Сағат 14:30-да оқиға орнына жол полиция қызметкерлері жетті. Редакция Астана қаласының полиция департаментінен ресми ақпарат сұратты.