Қаза тапқандар мен зардап шеккендер жоқ
Бүгін сағат 18:45-те Еңбекші ауданында жеке аумақта шатыр астында құрылыс материалдары, жанармай және төгілген дизель отыны өртенді, деп хабарлайды Azattyq Rýhy OTYRAR-ға сілтеме жасап.
Тілсіз жау 100 шаршы метрді қамтыды.
Өрт сөндірушілердің шұғыл әрекеттерінің арқасында өрт 19:04-те оқшауланып, 19:31-де толық сөндірілді.
Қаза тапқандар мен зардап шеккендер жоқ.
Өрттің себебі анықталуда.
Оқиға орнына Шымкент қаласы ТЖД-ның 22 қызметкері мен 5 техникасы, сондай-ақ медицина апаттары орталығының 3 қызметкері мен 1 техникасы жіберілді.