Түркістан облысында көпшілік жиналған жерде ер адам тапаншамен оқ атқан

Автор: Темірхан Айжан

Полиция күдіктінің ұсталғанын не іздеуде екенін айтпады 

Фото: скриншот

Түркістан облысында болған тойлардың бірінде ер адамның бірнеше рет тапаншамен оқ атқаны бейнежазбаға түсіп қалған, деп хабарлайды Azattyq Rýhy.

Желіде тараған видеода қара түсті шалбар мен футболки киген ер адам көпшілік жиналған мейрамхана ғимаратының алдыңда аспанға тапаншамен оқ атқан. Сол жерде жеңіл көліктен ақ көйлекті әйел, бірнеше қаумалаған адам тұрған. Кейін видеодан үш жас жігіттің фотосы шыға келеді.

Редакция оқиғаға байланысты полиция департаментімен байланысты. Ресми орган «тексеріп жатырмыз» деп жауап берді.