Әзірге оның кім екені анықталған жоқ
7 тамызға қараған түні Алматы облысында ер адамның денесі табылды, деп хабарлайды Azattyq Rýhy.
Әлеуметтік желіде қайғылы оқиға Өтеген Батыр кентінде болғаны туралы жазылған. Мәйіт 30-35 жастағы ер адамға тиесілі. Ерекше белгісі – ұзын шашты.
«Полиция мен жедел жәрдем өте тез келді, тез жұмыс жасады, мәйіт мәйітханаға жеткізілді», - делінген жазбада.
Бұл оқиғаға қатысты Алматы облысы ПД түсініктеме берді.
«Қазір жеке басын анықтау бойынша жұмыс жүргізіліп жатыр», - деп хабарлады Алматы облысы полиция департаментінің баспасөз қызметі агенттікке берген түсініктемесінде.
Өтеген Батыр кенті Алматыдан солтүстікке қарай 3 шақырым жерде – Іле ауданында орналасқан.