Отаның бәрі University Medical Center клиникаларында жүргізілді
University Medical Center клиникаларында донорлық ағзаларды транспланттау бойынша сәтті жүргізілген операциялар ағзаны трансплантаттауды күту парағында тұрған бес адамның өмірін сақтап қалды, деп хабарлайды Azattyq Rýhy.
ҚР ДСМ баспасөз қызметінің хабарлауынша, донор геморрагиялық инсульт алған 44 жастағы әйел болды. Дәрігерлер консилиумы мидың өлімін растады. Қиын жағдайда оның туыстары бұл қадамның маңыздылығын түсініп, қайтыс болғаннан кейін ағзалардың донорлығына келісім берді.
UMC жүрек орталығында медициналық топ бұрын механикалық қан айналымын қолдау құрылғысы LVAD имплантатталған 43 жастағы пациентке донорлық жүректі транспланттауды жүргізді.
Екінші пациентке өкпені трансплантаттау жүргізілді.
UMC Ана мен бала орталығында 15 жасар қызға бүйректі трансплантталды.
Сондай-ақ, екінші донорлық бүйрек пен бауыр Астана қаласының Ұлттық ғылыми онкологиялық орталығында пациенттерге трансплантталды.
«Барлық реципиенттің жағдайы қанағаттанарлық, олар мамандардың бақылауымен оңалтудан өтеді», - деп хабарлады ДСМ.
Донорлық ағзаларды транспланттау — ең күрделі операцияның бірі, алайда тәжірибе, дағдылар және техникалық жарақтандыру оларды біздің елімізде жоғары деңгейде орындауға мүмкіндік береді.
Жүрек пен өкпені транспланттау қайтыс болғаннан кейінгі донордан, мидың өлімі расталған кезде ғана жүзеге асырылады. Алайда, одан әрі процесс көбінесе әлеуетті донордың жақын туыстарының шешіміне байланысты.
Ағзаларды транспланттауды сәтті жүргізу - бұл әртүрлі мемлекеттік және медициналық қызметтердің үйлесімді топтық жұмысы. Трансплантологтар тобы бірінші кезекте донордың жақындары мен туыстарына, ағзаларды транспланттау бойынша бірқатар күрделі операцияларды қауіпсіз жүзеге асыруға көмектескендердің барлығына алғысын білдіреді.