Су заңнамасын бұзғандар 12 млн теңге айыппұл төледі
103 құқық бұзушылық анықталды
2024 жылдың алғашқы жарты жылдығында су заңнамасын бұзушылардан шамамен 11,9 млн теңге өндірілді, деп хабарлайды Azattyq Rýhy.
Су ресурстары және ирригация министрлігінің бассейндік инспекциялары 6 айда су заңнамасын сақтау бойынша 55 тексеріс жүргізді. 103 құқық бұзушылық анықталды.
Жалпы сомасы 12,9 млн теңгеге 143 әкімшілік айыппұл салынды, 11,9 млн теңге көлемінде 127 әкімшілік айыппұл өндірілді, 16 әкімшілік іс сотқа берілді.
«Министрліктің бассейндік инспекциялары су заңнамасының сақталуын қадағалайды. Құқық бұзушылықтарға қарсы күресті күшейту үшін Су ресурстары және ирригация министрлігінде Су ресурстарын реттеу, қорғау және пайдалану жөнінде комитет құрылды. Бұл су ресурстарын заңсыз пайдаланудың алдын алуға мүмкіндік береді.
Жақында ғана Жамбыл облысында тексеріс жүргізілді. Оның нәтижесі бойынша материалдар Бас прокуратураға жіберілді», - деді Су ресурстары және ирригация министрлігінің ресми өкілі Мөлдір Әбдуалиева.
