Бұған дейін олардың мас күйінде көлік жүргізгені хабарланды
ҚР СІМ өкілі Айбек Смадияров Балиде скутермен көлікке соғып, оқиға орнынан қашып кеткен екі қазақ жігіт туралы әлі ресми ақпарат келіп түспегенін айтты, деп хабарлайды Azattyq Ruhy.
Еске салсақ, Балиде екі Қазақстан азаматы мас күйінде скутер айдап, автомобильге соғып, қашып кеткенін жазған едік.
Жергілікті куәгердің бірі, жігіттердің басында шлемі, қолында көлік жүргізуге рұқсат құжаты болмағанын хабарлаған. Екі ер адам автомобильдің жүргізушісі сыпайы түрде өтемақы сұраған кезде қаша жөнелген. Олар туралы полицияға хабарланған.