Пара алған алаяқ та, берген тарап та жауап беріп жатыр
Елорда тұрғыны Бишімбаевтың үкімін жеңілдету сылтауымен алдау арқылы 100 млн теңгені жымқыру бойынша күдікке ілінді, деп хабарлайды Azattyq Rýhy.
Бишімбаевтың туыстары Антикорға арыз жазды. Ведомствода елорда тұрғынына қатысты тергеу басталды.
«Бұқаралық ақпарат құралдары өкілдерінің көптеген сұрауына байланысты Агенттік келесіні хабарлайды. Сыбайлас жемқорлыққа қарсы қызмет Қ. Бишімбаевтың туыстарының өтініші бойынша елорда тұрғыны «Г»-ға қатысты сотқа дейінгі тергеу жүргізуде. Ол аса ірі мөлшерде алаяқтыққа оқталғаны, яғни, Қ. Бишімбаевтың үкімін жеңілдету сылтауымен алдау арқылы 100 млн теңгені иемдену бойынша күдікті. Сонымен қатар, күдіктінің іс-әрекеті аса ірі мөлшерде пара беруге итермелеу бойынша сараланды», - деп хабарлады Антикор.
Оның қылмыстық әрекетінің басқа эпизодтары тексеріліп жатыр.
Күдікті соттың санкциясымен қамауға алынды.
Тергеу жалғасып жатыр. Қылмыстық-процестік кодекстің 201-бабына сәйкес өзге ақпарат жария етілмейді.